प्रस, वीरगंज, १ जेठ/
नेशनल मेडिकल कलेज शिक्षण अस्पतालले घडीअर्वा पोखरी परिसरमा निश्शुल्क स्वास्थ्य शिविर सम्पन्न गरेको छ । स्थानीय सर्वसाधारणलाई लक्षित गरी आयोजित सो शिविरमा विभिन्न २०८ जना सेवाग्राहीले आफ्नो स्वास्थ्य परीक्षण गराएका थिए ।
शिक्षण अस्पतालकी निर्देशक डा इसरतजहाँ अन्सारीको अध्यक्षतामा भएको शिविर बिहान प्रातःभ्रमणमा आउने नागरिकहरू लाभान्वित भएका थिए । शिविरमा स्वास्थ्य परीक्षण तथा परामर्श सेवा प्रदान गरिएको थियो ।
शिविरमा अधिकांश नागरिकमा उच्च रक्तचाप, मधुमेह, पेटसम्बन्धी समस्या, श्वासप्रश्वाससम्बन्धी समस्या, सामान्य सङ्क्रमणजस्ता स्वास्थ्य समस्या देखिएको चिकित्सकहरूले जनाएका थिए ।
शिविरमा आएका नागरिकले सहज स्वास्थ्य सेवा प्रदान गरेकोमा आयोजकप्रति आभार प्रकट गरेका थिए ।
शिविरमा कन्सल्टेन्ट डा इमरान अली, डा उदित यादव, डा महमद राशिद कलाम (पिजी), डा विवेक भारतीलगायत इन्टर्न चिकित्सकहरूको जाँच तथा परामर्श प्रदान गरेका थिए । शिविरमा बबिता श्रेष्ठ, प्रजिता फुयाँल, समीक्षा रिजाललगायतले नर्सिङ सेवा पु¥याएका थिए ।
