गाजा, २ कात्तिक/एएफपी
अमेरिकी राज्य विभागले २०२५ अक्टोबर १८ मा एक विज्ञप्ति जारी गर्दै हमासले गाजामा फिलिस्तिनी नागरिकमाथि आक्रमण गर्ने योजना बनाएको विश्वसनीय जानकारी प्राप्त भएको जनाएको छ । यसले हालको युद्धविराम सम्झौताको उल्लङ्घन गर्ने भएकाले शान्ति प्रक्रिया सङ्कटमा पर्न सक्ने चेतावनी दिइएको छ ।
राज्य विभागका अनुसार, यो योजनाबद्ध आक्रमणले गाजाका फिलिस्तिनी नागरिकमाथि प्रत्यक्ष र गम्भीर उल्लङ्घन हुनेछ र मध्यस्थताका प्रयासहरूको महŒवपूर्ण प्रगतिको अवमूल्यन हुनेछ । अमेरिकी राष्ट्रपति डोनाल्ड ट्रम्पले यस अघि भने, “यदि हमासले गाजामा मानिसहरूलाई मार्न जारी राख्यो भने, हामीसँग उनीहरूलाई मार्न जानुको विकल्प हुनेछैन ।” यद्यपि उनले पछि अमेरिकी सैनिकहरू गाजामा नपठाउने स्पष्ट पारे ।
यो चेतावनी शान्ति सम्झौताका ग्यारेन्टरहरू अमेरिका, इजिप्ट, कतार र टर्कीएलाई दिइएको छ । सम्झौता अनुसार इजरायलले गाजामा सैन्य कारबाही अन्त्य गरेको छ र जीवित बन्धकहरू र मृतकका शवहरूको फिर्ती प्रक्रिया जारी छ ।
यसैबीच, हमासले गाजाका ध्वस्त शहरहरूमा आफ्नो नियन्त्रण कडा बनाउँदै गुप्तचरको आरोपमा आठजनालाई सार्वजनिकरूपमा मृत्युदण्ड दिएको छ । रासस
