प्रस, वीरगंज, २५ जेठ/
वीरगंजमा कार दुर्घटना हुँदा एकजनाको मृत्यु भएको छ भने तीनजना घाइते भएका छन् । वीरगंज–१४ पिपरास्थित रेणुका पेट्रोलपम्पनजीकै गण्डकबाट बसपार्कतर्फ जाँदै गरेको बिआर ५५ बी ९१०४ नम्बरको भारतीय कार तीव्र गतिका कारण अनियन्त्रित भई डिभाइडरमा ठोकिएर दुर्घटना भएको जिल्ला प्रहरी कार्यालय, पर्साका प्रहरी प्रवक्ता एवं प्रहरी नायब उपरीक्षक सुवास भट्टले जानकारी दिए । दुर्घटनामा करीब ३० वर्षीय बिटु सर्राफको मृत्यु भएको छ भने कारचालक भारत, बेतिया, नरकटियागंज निवासी करीब ४० वर्षीय गणेश सर्राफ, सोही स्थानका २० वर्षीय रतन सर्राफ र २१ वर्षीय बिटु सर्राफ रहेको प्रहरीले जनाएको छ । दुर्घटनामा घाइते भएकाहरूको एलएस न्यूरो अस्पतालमा उपचार भइरहेको छ ।
