सियोल, ८ जेठ/एएफपी
उत्तर कोरियाको नयाँ नौसैनिक विध्वंसकको प्रक्षेपण समारोहमा ठूलो दुर्घटना भएको सरकारी मिडियाले बिहीवार रिपोर्ट गरेको छ । उत्तर कोरियाली नेता किम जोङ उनले उक्त दुर्घटनालाई आपराधिक कार्य भनेका छन् ।
बुधवार पूर्वी बन्दरगाह शहर चोङजिनमा पाँच हजार टनको नयाँ जहाज प्रक्षेपण गर्ने समारोहमा एउटा गम्भीर दुर्घटना भएको आधिकारिक कोरियन सेन्ट्रल न्युज एजेन्सी (केसिएनए) ले जनाएको छ ।
दक्षिण कोरियाको सेनाले उत्तर कोरियाले बिहीवार धेरैवटा अज्ञात क्रुज मिसाइल पनि प्रहार गरेको बताएको छ, जुन उत्तरको दक्षिण हाम्ग्योङ प्रान्त नजीकै जापान सागर पनि भनिने ‘पूर्वी सागरतिर प्रहार’ गरिएपछि पत्ता लागेको थियो ।
किमले अवलोकन गरेको विध्वंसकको असफल प्रक्षेपणका लागि अनुभवहीन कमान्ड र परिचालन लापरवाहीलाई दोष दिंदै केसिएनएले त्यहाँ एउटा दुर्घटना भएको र युद्धपोतको तल्लो भागका केही भाग कुच्चिएको बताएको छ ।
दुर्घटनाले युद्धपोतको सन्तुलन नष्ट गर्न सफल भएको केसिएनएले बतायो ।
किमले पूरै घटना हेरे र यो सहन सकिंदैन भन्ने चेतावनी दिंदै यसलाई पूर्ण लापरवाहीका कारण भएको आपराधिक कार्य घोषणा गरे ।
उनले जिम्मेवार अधिकारीहरूको गैरजिम्मेवार गल्तीहरू अर्को महीना बोलाइने पार्टी केन्द्रीय समितिको पूर्ण बैठकमा सम्बोधन गरिने बताए ।
दक्षिण कोरियाको सेनाले अमेरिका र सियोलका गुप्तचर अधिकारीहरूले उत्तर कोरियाको जहाजको साइड–लन्च प्रयास असफल भएको अनुमान गरेको बताएका छन् ।
“यस मामिलामा प्रयोग गरिएको साइड–लन्च विधि अब दक्षिण कोरियाको सेनाले प्रयोग गर्दैन”–ज्वाइन्ट चिप्mस अफ स्टाफका प्रवक्ता ली सुङ–जुनले पत्रकारहरूलाई भने ।
लीका अनुसार हाल जहाज पानीमा ढलिरहेको छ । यसको आकार र मापनका आधारमा यो पाँच हजार टन विध्वंसक–वर्गको युद्धपोत चो ह्योनसँग मिल्दोजुल्दो छ भन्ने विश्वास गरिन्छ । चो ह्योन उत्तर कोरियाले गत महीना सार्वजनिक गरेको थियो ।
गत महीना प्योङयाड्ढो सरकारी मिडियाले किम आप्mनी छोरी जु एइसँग चो ह्योनको उद्घाटन समारोहमा सहभागी भएको तस्बिर सार्वजनिक गरेको थियो । जु एइलाई धेरै विज्ञले किमको सम्भावित उत्तराधिकारी मानेका थिए ।
उत्तर कोरियाले उक्त जहाज सबैभन्दा शक्तिशाली हतियारले सुसज्जित रहेको र यो अर्को वर्षको शुरूमा सञ्चालनमा आउने दाबी गरेको छ ।
केही विश्लेषकले जहाज आणविक हतियार बोक्न सक्षम छोटो दूरीको सामरिक मिसाइलहरूले सुसज्जित हुन सक्ने बताएका छन् । यद्यपि उत्तर कोरियाले आफ्नो आणविक शस्त्रागार सानो छ भनेर प्रमाणित गरेको छैन ।
रूसी सम्बन्ध ?
दक्षिण कोरियाली सेनाले सम्भवतः प्योङयाङले मस्कोलाई युक्रेनसँग लड्न मदत गर्न हजारौं सेना तैनाथ गरेको बदलामा चो ह्योन रूसी सहयोगमा विकसित भएको हुन सक्ने बताएको छ ।
उत्तर कोरिया अध्ययनका लागि विश्व संस्थान चलाउने शोधकर्तामा परिणत अहन चान–इलले बुधवारको दुर्घटनामा संलग्न युद्धपोत पनि रूसी सहयोगमा निर्माण गरिएको हुन सक्ने बताए ।
प्रक्षेपण समारोह सम्पन्न भएको उत्तर कोरियाली शहर चोङजिन रूसको भ्लाडिभोस्टोक बन्दरगाह नजीक रहेको उनले बताए।
“यो पनि सम्भव छ कि जहाजका लागि अनुमानित समयरेखा–जब असेम्बली पूरा हुनेछ र जहाज प्रक्षेपण सहित–रूसी पक्षसँग साझा गरिएको थियो”–उनले भने–“यस्तो देखिन्छ कि डक हतारमा निर्माण गरिएको थियो र जहाज निर्माण प्रक्रियामा धेरै समस्या उत्पन्न भएको हुन सक्छ । आजको घोषणासँगै प्योङयाङले आप्mना मानिसहरूलाई मात्र नभएर रूसी पक्षलाई पनि सङ्केत गरिरहेको देखिन्छ ।”
नौसेनाको सुदृढीकरण
उत्तर कोरियाले पहिलोपटक अप्रिलमा युक्रेन युद्धमा मस्कोलाई समर्थन गर्न रूसमा सेना तैनाथ गरेको पुष्टि गरेको थियो ।
मस्को र प्योङयाङले हालै दुई देशलाई जोड्ने पहिलो सडक पुल निर्माण शुरू गरेको घोषणा गरेका छन् ।
राष्ट्रसङ्घको प्रतिबन्धको उल्लङ्घन गर्दै उत्तर कोरियाले गत वर्ष पनि संयुक्त ब्यालेस्टिक क्षेप्यास्त्र प्रक्षेपण गरेको थियो ।
मार्चमा किमले आणविक शक्तिसम्पन्न पनडुब्बी निर्माण गर्ने परियोजनाको निरीक्षण गरे र नौसेनालाई मौलिकरूपमा बढावा दिन प्योङयाड्ढो रक्षात्मक रणनीतिको एक प्रमुख हिस्सा थियो भनी दाबी गरे ।
किमले त्यस समयमा युद्धपोतको विकाससहित देशको सतह र पानीमुनि नौसेना बलको आधुनिकीकरणका लागि आह्वान गर्नुभयो ।
प्योङयाङले पहिले ‘रेडियोधर्मी सुनामी’ फैलाउन सक्ने पानीमुनि आणविक आक्रमण ड्रोनहरू विकास गरिरहेको दाबी गरेको छ, तर विश्लेषकहरूले वास्तवमा त्यस्तो हतियार छ कि छैन भनेर शङ्का गरेका छन् ।
सियोलको प्रमुख सुरक्षा सहयोगी वाशिङ्टनले हालैका वर्षहरूमा संयुक्त सैन्य अभ्यासहरू बढाएको छ र उत्तरलाई रोक्न विमानवाहक र आणविक शक्ति सम्पन्न पनडुब्बीजस्ता रणनीतिक अमेरिकी सम्पत्तिहरूको उपस्थिति बढाएको छ ।
प्योङयाङले बारम्बार आपूmलाई अपरिवर्तनीय आणविक हतियार भएको राष्ट्र घोषणा गरेको छ र नियमितरूपमा अमेरिका–दक्षिण कोरियाको संयुक्त अभ्यासलाई आक्रमणको अभ्यासका रूपमा निन्दा गर्दछ । रासस
