मुम्बई, १५ कात्तिक/एएफपी
दक्षिणी भारतको आन्ध्र प्रदेशको कासिबुग्गाको वेंकटेश्वर मन्दिरमा शनिवार भागदौड मच्चिंदा कम्तीमा नौ जनाको मृत्यु भएको प्रदेशका गभर्नरले बताएका छन् । उनले मन्दिरमा भक्तहरूबीच भगदौड हुँदF नौजना तीर्थयात्रीको मृत्यु भएकोमा गहिरो दुःख व्यक्त गरेका छन् ।
प्रधानमन्त्री नरेन्द्र मोदीले भाग दौडमा आप्mना प्रियजनहरू गुमाउनेहरू प्रति समवेदना व्यक्त गर्दैै घाइतेहरूको शीघ्र स्वास्थ्यलाभको प्रार्थना गरेको बताएका छन् ।
यस अघि सेप्टेम्बरमा तमिलनाडु राज्यमा लोकप्रिय अभिनेता–राजनीतिज्ञ विजयको चुनावी ¥यालीमा भागदौड भएपछि कम्तीमा ३६ जनाको मृत्यु भएको थियो । यसैगरी जून महीनामा ओडिसा राज्यमा भागदौड हुँदा कम्तिमा तीनजनाको मृत्यु हुनुका साथै अन्य धेरै घाइते भएका थिए ।
अघिल्लो महीना गोवामा धार्मिक अनुष्ठानका लागि भेला भएका हजारौं भक्तहरूबीच भागदौड मच्चिंदा छजनाको मृत्यु भएको थियो भने जनवरीमा उत्तरी शहर प्रयागराजको कुम्भ मेलामा कम्तीमा ३० जनाको मृत्यु भएको थियो । रासस
