पर्सा, बारा, रौतहटमा नेकाको विरोध प्रदर्शन, संविधानको रक्षा पहिलो प्राथमिकता

129

प्रस, वीरगंज, १३ पुस/
नेपाली काङ्ग्रेसले संसद् विघटनविरुद्ध सोमवार ७७ जिल्ला र १६५ निर्वाचन क्ष्Fेत्रमा शुरू गरेको आन्दोलन पर्सा जिल्लाका चारवटै निर्वाचन क्षेत्रमा पनि सम्पन्न भएको छ।
क्षेत्र नं १ को वीरगंज, क्षेत्र नं २ को डोकैला बहुअरी, क्षेत्र नं ३ को पोखरिया र क्षेत्र नं ४ को लङ्गडीमा नेका पर्साले संसद् विघटनविरुद्ध प्रदर्शन गरेको हो। वीरगंजको घण्टाघरमा भेला भएर संसद् विघटनविरुद्ध नाराबाजी गर्दै नेका नेता, कार्यकर्ताहरूले –याली निकाली नगरपरिक्रमा गरी सोही ठाउँमा कोणसभा गरेका थिए।
कोणसभामा नेका पर्साका सभापति अजय द्विवेदीले संसद् विघटनपछि ताजा जनादेशको लागि निर्वाचन अवसर भएपनि संविधानको रक्षा गर्नु पहिलो कर्तव्य ठानेर नेकाले देशव्यापी विरोध प्रदर्शन गरेको बताए। उनले संसद् विघटन असंवैधानिक एवं अलोकतान्त्रिक कदम भएको बताए। उनले संविधान रक्षाका लागि नेकाले सबैखाले आन्दोलन गर्ने उद्घोष गरे।
पहिलो संविधानसभामा कम्युनिस्ट  ठूलो पार्टीको रूपमा आए पनि उसले संविधान बनाउन नसकेको र दोस्रो संविधानसभामा नेपाली काङ्ग्रेस ठूलो पार्टी भएपछि नेपालको पहिलो गणतान्त्रिक संविधान घोषणा गरेकोले सोको रक्षाको जिम्मेवारी पनि नेकाको काँधमा रहेको उनले प्रस्ट्याए।
संविधानसभा सदस्य अनिल रूँगटाले प्रधानमन्त्री ओली एकतन्त्रीय शासन प्रणालीतर्फ उन्मुख भएको र उनलाई राष्ट्रपतिले पनि सघाएको आरोप लगाए। संसद् विघटन त्यसैको एउटा कडी भएको उनले बताए। कम्युनिस्ट पार्टीको करीब दुई तिहाइ बहुमतको सरकार असफल भएकोले अब नेका नेतृत्वको सरकारको विकल्प नभएको उनले दाबी गरे।
केन्द्रीय सदस्य वीरेन्द्रलाल नेपालीले नेका ताजा जनमतको लागि निर्वाचनमा जान इच्छुक भएपनि संविधानको रक्षा गर्नु पहिलो कर्तव्य ठानेर आन्दोलनमा होमिएको बताए। उनले देश–विदेशमा नेपालको कम्युनिस्ट सरकार असफल भएको र आगामी सरकार नेकाको हुने अनुमान लगाइए पनि नेकाले आफ्नो नेतृत्वमा जारी भएको संविधानको रक्षा गर्नु पहिलो जिम्मेवारी ठानेको बताए।
विरोधसभामा वीरगंज महानगरकी उपप्रमुख शान्ति कार्की, रामनारायण कुर्मी, अरविन्द गुप्ता, सुधीर पटेल, इम्तियाज आलम,  राजु साहलगायतले मन्तव्य व्यक्त गरेका थिए। कार्यक्रमको सहजीकरण मनोज मण्डलले गरेका थिए।
प्रस पोखरिया/
नेका क्षेत्रीय समिति क्षेत्र नं ३ को आयोजनामा पोखरिया नपामा विरोधसभा सम्पन्न भएको थियो।
विरोधसभामा पूर्वमन्त्री सुरेन्द्रप्रसाद चौधरीले निर्वाचन हुन सक्ने भन्दै निर्वाचनको तयारीमा लाग्न नेता, कार्यकर्ताहरूलाई निर्देशन दिए। उनले नेका र कम्युनिस्ट मिलेर संविधान जारी गरे पनि वर्तमान संविधानप्रति कम्युनिस्टहरू विश्वस्त नदेखिएको आरोप लगाए। उनले अहिले देशमा विदेशी शक्तिहरूको चलखेल बढेको भन्दै सोको निराकरण नेकाबाहेक अरू कसैले गर्न नसक्ने दाबी गरे। नेता चौधरीले संसद् विघटन प्रधानमन्त्रीको अधिकार क्षेत्रमा नपर्ने विषय भएको चर्चा गर्दै सर्वोच्चमा विचाराधीन मुद्दाको फैसला सबैलाई मान्य हुनुपर्ने बताए।
क्षेत्रीय सभापति लुकमान अन्सारीको अध्यक्षतामा भएको विरोधसभामा संविधानसभा सदस्य रामेश्वर रौनियार, अशोक गुप्ता, मुकेश गुप्तालगायतले मन्तव्य व्यक्त गरेका थिए भने नगरप्रमुख दीपनारायण रौनियारको पनि सहभागिता थियो।
प्रस, पर्सागढी/
बहुदरमाई नगरपालिकाको डोकैला बहुअरीमा क्षेत्र नं २ को आयोजनामा विरोधसभा भएको थियो।
नेका केन्द्रीय सदस्य अजय चौरसियाले विरोधसभामा संसद् विघटन संविधानविपरीत भएकोले आफ्नो पार्टीलाई मान्य नहुने बताए। उनले नेका विधिसम्मत चल्ने पार्टी भएको र यसले अरूलाई पनि विधिको शासनमा चल्न सिकाउने हुँदा सोविपरीत कार्य सह्य नहुने बताए।
विरोधसभा क्षेत्रीय सभापति गम्भीरा साहको अध्यक्षतामा भएको थियो भने संविधानसभा सदस्य राजेन्द्रबहादुर अमात्य, प्रदेशसभा सदस्य ओमप्रकाश शर्मा, राजेश्वर साह तेली, नगरप्रमुख नीतेन्द्र साह, लोकनारायण यादव, उपप्रमुख अर्चना चौधरी, नेकाका नेताहरू श्याम पोखरेल, रामरूप कुर्मी, दिना गुप्ता, श्याम पटेललगायतले मन्तव्य व्यक्त गरेका थिए।
प्रस, ठोरी/
पर्सा क्षेत्र नं ४ धोबिनी गापाको लङ्गडीमा नेकाको आयोजनामा विरोधसभा सम्पन्न भयो।
विरोधसभामा नेकाका केन्द्रीय सदस्य रमेश रिजालले निर्वाचित प्रतिनिधिसभा भङ्ग गरेर कम्युनिस्ट सरकारले लोकतन्त्रविरुद्धको चरित्र उजागर गरेको आरोप लगाए। उनले सरकार अधिनायकवादतर्फ अघि बढिरहेकोले नेकाले त्यसमा लगाम लगाउने बताए। उनले लोकतन्त्रमाथि खतरा भएको बेलामा नेकाले आफ्नो भूमिका प्रदर्शन गर्दै आएको र अहिले पनि गर्ने बताए।
क्षेत्रीय सभापति रमेशनाथ पाण्डेको अध्यक्षतामा भएको विरोधसभामा प्रदेशसभा सदस्य शङ्कर चौधरी, महासमिति सदस्य वृहस्पतिकृष्ण श्रेष्ठ, वशिष्ठनारायण कुर्मी, जिल्लासचिव किशोरी साह कानू, महाधिवेशन प्रतिनिधि रामेश्वर केवट, जिल्ला सदस्य नवीन सिंह, गापा अध्यक्ष सुरेशप्रसाद कुर्मीलगायतले मन्तव्य व्यक्त गरेका थिए। कार्यक्रममा वलिस्टर अहमदले स्वागत र श्रीकान्त यादवले सहजीकरण गरेका थिए।
रामेश्वर मेहता, सिम्रौनगढ बारा/
बारा जिल्लामा पनि नेकाले चारवटै निर्वाचन क्षेत्रमा संसद् विघटनविरुद्ध प्रदर्शन ग–यो।
बारा क्षेत्र नं १ कोल्हवीमा आयोजित विरोधसभा क्षेत्रीय सभापति एवं सिम्रौनगढ नगरपालिकाका प्रमुख विजयशङ्कर यादवको अध्यक्षतामा भएको थियो भने पूर्वमन्त्री उमाकान्त चौधरी, चन्द्रशेखर यादव, उपेन्द्र जैसवाल, किशोर नेपाल, रामनरेशकान्त कुशवाहा, महेश कुँवर, रामदुलारी घलेलगायतले प्रधानमन्त्री ओलीको कदमको विरोध गरेका थिए। उनीहरूले संसद् पुनस्र्थापना गर्नुपर्ने माग गरे। प्रधानमन्त्रीले संसद् विघटन गर्ने व्यवस्था संविधानमा उल्लेख नभएको र त्यसलाई राष्ट्रपतिले अनुमोदन गर्नु घोर अप्रजातान्त्रिक क्रियाकलाप  भएको उनीहरूले आरोप लगाए। कार्यक्रममा सीता मैनालीले स्वागत र सिकेन्द्र पासवानले सहजीकरण गरेका थिए।
यसैगरी, बाराको क्ष्Fेत्र नं २ को बगडमपुरमा आयोजित विरोधसभामा केन्द्रीय सदस्य राधेचन्द्र यादवले मन्तव्य व्यक्त गरेका थिए। क्ष्Fेत्रीय सभापति रामप्रवेश यादवको अध्यक्ष्Fतामा कार्यक्रम भएको थियो।
क्ष्Fेत्र नं ३ को कलैया उपमहानगरमा आयोजित विरोधसभामा केन्द्रीय सदस्य एवं पूर्वमन्त्री फर्मुल्लाह मन्सुरले मन्तव्य व्यक्त गर्दै नेकाले संसद् पुनस्र्थापना गरिछाड्ने बताए। उनले संसद् विघटन संविधानविपरीत भएको भन्दै नेकालाई संविधानविपरीत कार्य कदापि स्वीकार्य नहुने बताए। जिल्ला सभापति जयचन्द चौरसियाको अध्यक्षतामा भएको कार्यक्रममा क्ष्Fेत्रीय सभापति मुकेश कुशवाहालगायतले मन्तव्य व्यक्त गरेका थिए।
यसैगरी, बारा क्षेत्र नं ४ को जीतपुरसिमरा उपमहानगरको सिमरामा आयोजित विरोधसभामा केन्द्रीय सदस्य बृजलाल यादव, पूर्वसचेतक शोभाकर पराजुलीलगायतले संसद् विघटनको विरोध गरे। कार्यक्रम क्षेत्रीय सभापति सुनील गुप्ताको अध्यक्षतामा भएको थियो।
प्रस, रौतहट/
नेपाली काङ्ग्रेस रौतहटद्वारा संसद् विघटनको विरोधमा आज विभिन्न क्षेत्र तथा नगरपालिकास्तरीय विरोध प्रदर्शन गरेको छ। मन्त्रिपरिषद्को सिफारिशमा राष्ट्रपति विद्यादेवी भण्डारीले पुस ५ गते संसद् विघटन गरेको विरोधमा काङ्ग्रेसले रौतहट जिल्लाको सदरमुकाम गौर, दुर्गाभगवती गाउँपालिकामा रहेको गङ्गापिपरा बजार, गढीमाई नगरपालिकाको समनपुर बजार, परोहा र राजपुर नगरपालिकाका राजपुर बजार, कटहरिया बजार, चन्द्रपुर बजारलगायतका ठाउँमा  विरोध  प्रदर्शन गरेको हो।
प्रधानमन्त्री केपीशर्मा ओली नेतृत्वको सरकारको प्रतिनिधिसभा विघटन असंवैधानिक र अलोकतान्त्रिक कदम भएको भन्दै विरोध प्रदर्शन गरेको नेपाली काङ्ग्रेसका पूर्व सांसद जीतेन्द्र यादवले बताए। काङ्ग्रेस केन्द्रीय कार्यसमिति बैठकले संसदीय क्षेत्रमा संसद् विघटनविरुद्ध विरोध प्रदर्शन गर्ने निर्णय गरेअनुरूप आज रौतहटका चारवटै निर्वाचन क्षेत्रमा विरोध प्रदर्शन भएको नेपाली काङ्ग्रेसका जिल्ला सभापति कृष्णा यादवले बताए।

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्