बजियानका किसानहरू दलहन र तेलहन खेतीमा व्यस्त

0
22

प्रस, पोखरिया, २५ कात्तिक/
पर्सा जिल्लाको बजियानमा अहिले धानबाली काट्ने, भिœयाउनेसँगै गहुँबाली रोप्ने र दलहन तथा तेलहन खेती गर्ने कार्य शुरू भएको छ।
कतिपय किसानले धानखेती कटानी गरिसकेका छन् र गहुँ रोप्ने तरखरमा छन्।
केही किसानले धानबालीमैं दलहनखेती शुरू गरेका छन्। धानसँगै दलहनखेती गरिने यहाँ चलन छ। धान कटानी गरेका केही किसानले दलहनमा मुसुरो, खेसारी, तेलहनमा तोरी, आलस र तरकारी खेतीमा आलु रोप्दैछन्।
बजियानमा विन्ध्यवासिनी, पकाहामैनपुर, कालिकामाई, धोबिनी, छिपहरमाई, जगरनाथपुर गाउँपालिका र पोखरिया तथा बहुदरमाई नगरपालिका पर्छन्।
अहिले धानखेतीसँगै किसानहरूलाई गहुँ, तेलहन र दलहन खेतीका लागि मलको आवश्यक परेको छ तर किसानहरूले मल पाउन सकेका छैनन्। गाउँघरमा मल नपाएपछि उनीहरू अहिले भारतको इनर्वा, मैनाटार, सिकटा, भेलाहीलगायतका ठाउँबाट मल ल्याइरहेका छन्।

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्