१५ किलो गाँजा र खैरो हेरोइनसहित पाँचजना पक्राउ

0
50

प्रस, वीरगंज, २० भदौ/
    जिल्ला प्रहरी कार्यालय, पर्साले छुट्टाछुट्टै  स्थानबाट चार ग्राम खैरो हेरोइन र १५ किलो गाँजासहित पाँचजनालाई पक्राउ गरेको छ।
    वीरगंज महानगर–१६  रजतजयन्ती चोकबाट ४ ग्राम लागूऔषध खैरो हिरोइनसहित दुईजनालाई पर्सा प्रहरीले पक्राउ गरेको छ। वीरगंज मनपा–२४ बस्ने २० वर्षीय शिव साह कानू र वडा नं. १६ बस्ने २० वर्षीय कृष्ण भन्ने
छोटु पाण्डेलाई खैरो हेरोइनसहित
पक्राउ गरेको जिप्रका, पर्साले जनाएको छ।
    यसैगरी, वीरगंज महानगर–२८ बस्ने वर्ष २० का रूपेश सहनीको घर खानतलाशी गर्ने क्रममा निजको घरबाट १० किलो गाँजा बरामद भएको प्रहरीले जनाएको छ। प्रहरीले गाँजासहित सहनीलाई पनि पक्राउ गरी अनुसन्धान गरिरहेको छ।
    यस्तै, पर्साको छिपहरमाई गाउँपालिका–२ बाट ५ किलो गाँजासहित सोही ठाउँ बस्ने ३५ वर्षीय गोखुल महतो केवट र २० वर्षीय सुजीत महतो केवटलाई पक्राउ गरेको जिप्रका, पर्साले जनाएको छ। भारतीय नं.को मोटरसाइकलमा आइरहेका उनीहरूको साथबाट ५ किलो गाँजा बरामद भएको प्रहरीले जनाएको छ।

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्