५३ जना कोरोना सङ्क्रमित थपिए

186

प्रस, वीरगंज, ४ भदौ/
नारायणी अस्पताल वीरगंजले बुधवार राति सार्वजनिक गरेको पिसिआर रिपोर्ट अनुसार १० जना महिलासहित ५३ जनामा कोभिड–१९ सङ्क्रमण पुष्टि भएको छ।
सङ्क्रमितमध्ये एकजना बाराका ६२ वर्षीय वृद्ध छन् भने बाँकी ५२ जना पर्साका छन्। वीरगंज महानगरपालिका, बहुदरमाई नगरपालिका, पोखरिया नगरपालिका, धोबिनी गाउँपालिका र त्रिजुद्ध सेमिआइसोलेशनमा सङ्कलित स्वाबको नतीजा आएको हो। नारायणी अस्पताल पिसिआर ल्याबकी प्रमुख प्याथोलोजिस्ट डा नीरा पाठकका अनुसार बुधवार दिनभरिमा ४५० वटा स्वाब नमूना परीक्षण गर्दा ५३ जनामा कोरोना भाइरस सङ्क्रमण पुष्टि भएको हो। उनले अधिकांश बहुदरमाई र पोखरिया नगरपालिका तथा धोबिनी गापाका बासिन्दा रहेको बताइन्। यसअघि सङ्क्रमितको कन्ट्याक्ट ट्रेसिङमा परेका व्यक्ति र केहीमा ज्वरो, सुक्खा खोकी र श्वासप्रश्वासमा समस्या देखिएका शङ्कास्पद बिरामीको पनि कोरोना रिपोर्ट पोजेटिभ आएको उनले जानकारी गराइन्।

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्